कोल्हापूर – अनिल पाटील
कोल्हापूरातील छत्रपती प्रमिलाराजे रूग्णालयाच्या ( सी. पी. आर ) शवविच्छेदन विभागाच्या शेजारी असलेल्या शेडमध्ये भटक्या कुत्र्यांनी मृत अर्भकाचे लचके तोडल्याचा प्रकार आज सकाळी उगङकीस आला. तेथे काही जण मृताचे शवविच्छेदन करण्यासाठी थांबले होते. त्यावेळी हा प्रकार त्यांच्या लक्षात आला. तात्काळ या प्रकाराची माहीती त्यांनी रुग्णालयातील कर्मचार्यांना दिली. घटनेची माहिती कळताच लक्ष्मीपुरी पोलीस ठाण्यातील पोलीस त्या ठिकाणी पोचले. पोलिसांनी अर्भकाचे अवशेष ताब्यात घेऊन रुग्णालयाच्या आवारात हे अवशेष कुणी टाकले याचा शोध चालू केला आहे. या घटनेमुळे शासकीय रुग्णालयातील कारभार चव्हाट्यावर आला आहे.
