भिलवडी येथे पलूस-कडेगाव विधानसभा मतदारसंघातील काँग्रेस पक्षाचे उमेदवार डॉ.विश्वजीत कदम यांच्या प्रचाराचा शेकडो नागरिकांच्या उपस्थितीत शुभारंभ

भिलवडी : सांगली जिल्हा पलूस तालुक्यातील भिलवडी येथील हनुमान मंदिर येथे पलूस-कडेगाव विधानसभा मतदारसंघाचे काँग्रेस पक्षाचे अधिकृत उमेदवार डॉ.विश्वजीत कदम  यांच्या प्रचाराचा शेकडो नागरिकांच्या उपस्थितीत शुभारंभ झाला. यावेळी रयत शिक्षण संस्थेचे उपाध्यक्ष तथा काँग्रेस पक्षाचे ज्येष्ठ नेते महेंद्र आप्पा लाड यांची उपस्थिती होती.

यावेळी अनेक मान्यवरांनी डॉ विश्वजीत कदम यांच्या विकासकामांचा आढावा घेतला . तसेच महापूर ,कोरोना काळात लोकांना केलेली मदत , पलूस कडेगाव मतदार संघातील लोकांच्या सेवेसाठी तत्पर असणारा नेता म्हणजे  डॉ विश्वजीत कदम असेही अनेकांनी सांगितले.

20 नोव्हेंबर 2024 रोजी होणाऱ्या मतदाना वेळी लोकांनी आपल्याबरोबर इतरांना मतदानाचे महत्त्व पटवून जास्तीत जास्त मतांनी डॉ विश्वजित कदम यांना निवडून आणण्याचा  निर्धार केला.

यावेळी स्वर्गीय आनंदराव भाऊ मोहिते व माजी जिल्हा परिषद सदस्य स्वर्गीय संग्राम दादा पाटील यांच्या आठवणींना अनेकांनी उजाळा दिला. तर भाषणाच्या वेळी अनेकजण भाऊक झाले.

यावेळी रयत शिक्षण संस्थेचे उपाध्यक्ष महेंद्र आप्पा लाड , भिलवडी गावचे ज्येष्ठ नेते राजू दादा पाटील, बाळासो काका मोहिते, भिलवडी गावच्या सरपंच, उपसरपंच माजी सरपंच, माजी उपसरपंच, ग्रामपंचायत सदस्य,  काँग्रेसचे  पदाधिकारी कार्यकर्ते नागरिक महिला युवक मोठ्या संख्येने उपस्थित होते.