भिलवडी येथे उद्योजक कै. काकासाहेब चितळे यांच्या स्मृतिप्रीत्यर्थ जायंट्स ग्रुप ऑफ भिलवडी, सहेलीच्या मोफत नेत्र तपासणी, शस्त्रक्रिया शिबिरास उत्स्फूर्त प्रतिसाद

भिलवडी:- जायंट्सरत्न उद्योजक कै. काकासाहेब चितळे यांच्या चतुर्थ पुण्यतिथीनिमित्त विविध कार्यक्रम आयोजित करण्यात आले होते. जायंट्स ग्रुप ऑफ भिलवडी, सहेली, यंग जायन्ट्स, माता बाल संगोपन केंद्र आणि नॅब नेत्र रुग्णालय मिरज यांचे मार्फत मोफत नेत्र तपासणी व शस्त्रक्रिया शिबिर गुरुवार दिनांक 8 फेब्रुवारी रोजी आयोजित करण्यात आले होते. या शिबिरास उत्स्फूर्त प्रतिसाद मिळाला.
या शिबिराचे उद्घाटन उद्योजक  गिरीश दादा चितळे यांच्या हस्ते झाले . यावेळी माजी सरपंच विजयकुमार चोपडे, पोलीस पाटील श्री विनायक चौधरी, शशिकांत कुलकर्णी, जायन्ट्स ग्रुपचे सर्व पदाधिकारी व सभासद तसेच पत्रकार यांच्या उपस्थितीत पार पडले.
या शिबिरामध्ये 201 रुग्णांची मोफत तपासणी करून 89 रुग्णांना शस्त्रक्रियेसाठी पाठवण्यात आले. गेल्या २५ वर्षांपासून ही परंपरा सुरू आहे.
हे शिबिर व्यवस्थित पार पाडण्यासाठी चितळे कुटुंबियांचे मोठे योगदान असते.