धाराशिव जिल्हा वाशी तालुक्यातील एका शेतकऱ्याकडून 4.61 लाखांचा विनापरवाना रासायनिक खत साठा जप्त

 

दर्पण न्यूज धाराशिव प्रतिनिधी (संतोष खुणे) :-

धाराशिव जिल्हा वाशी तालुक्यातील एका शेतकऱ्याकडून विनापरवाना एकूण 456 पोते रासायनिक खत (वजन 20मे. टन )4.61 लाखांचा रासायनिक खत साठा जप्त करण्यात आला.

मा जिल्हाधिकारी श्री कीर्ती किरण पुजार,मा. कृषि संचालक ( निविष्ठा व गुण नियंत्रण) श्री सुनील बोरकर, मा विभागीय कृषी सहसंचालक लातूर विभाग लातूर श्री साहेबराव दिवेकर व मा मुख्य गुणवत्ता नियंत्रण निरीक्षक श्री प्रवीण देशमुख यांचे मार्गदर्शनाखाली व जिल्हा अधीक्षक कृषी अधिकारी श्री रवींद्र माने , कृषी विकास अधिकारी श्री प्रमोद राठोड यांच्या नियोजनातून जिल्हास्तरीय व तालुकास्तरीय भरारी पथकाने संयुक्तपणे धाराशिव जिल्ह्यातील वाशी तालुक्यात एका शेतकऱ्याच्या कुक्कुटपालन शेड मध्ये विनापरवाना एकूण 456 पोते रासायनिक खत (वजन 20मे. टन) निदर्शनास आल्यामुळे आज पोलीस ठाणे वाशी तालुका वाशी जिल्हा धाराशिव येथे गुन्हा नोंद करण्यात आला.  एकूण 4.61 लक्ष रुपये किमतीचा रासायनिक खत साठा जप्त करण्यात आला.सदरील गुन्ह्याची फिर्याद श्री राजाराम बर्वे, तालुका कृषी अधिकारी वाशी यांनी दिली. सोबत मोहीम अधिकारी श्री डी ए गरगडे, जिल्हा गुणवत्ता नियंत्रण निरीक्षक, धाराशिव प्रवीण पाटील, पंचायत समिती वाशी कार्यालयाचे कृषी अधिकारी श्री अविनाश माळी, विस्तार अधिकारी कृषि श्रीकांत साळवे, तालुका कृषी अधिकारी वाशी कार्यालयातील श्री गायकवाड, श्री साखरे हे होते.
याकामी श्री प्रवीण विठ्ठल भोर तंत्र अधिकारी गु नि लातूर यांनी सखोल मार्गदर्शन केले.