फुले शाहू आंबेडकर सामाजिक व कामगार चळवळीतील लढवय्ये नेते आयु . प्रेमानंद मौर्य साहेब यांचा सेवा निवृत्ती निमित्त सत्कार

दर्पण न्यूज कागल तालुका प्रतिनिधी (मारूती डी कांबळे) :-

आयु. प्रेमानंद मौर्य आज सेवानिवृत्त झाले यानिमित्ताने त्यांचा निरोप समारंभ व भव्य कामगार प्रबोधन मेळावा आयोजित करण्यात आला होता. या कार्यक्रमाच्या प्रसंगी जिल्हाध्यक्ष उत्तम कांबळे दादा यांनी उपस्थित राहून सेवा निवृत्ती निमित्त शाल व पुष्पगुच्छ देऊन त्यांचा सत्कार करण्यात आला त्यांचे अभिनंदन करत त्यांना शुभेच्छा दिल्या. समाजामध्ये विविध क्षेत्रांमध्ये अतिउत्कृष्ट कार्य करणाऱ्या मान्यवरांना त्यांच्या पाठीवर कौतुकाची थाप टाकण्यात काम रिपब्लिकन पक्षाच्या जिल्हाध्यक्ष उत्तम कांबळे दादा हे सातत्याने करत आहेत. आज असाच योग फुले शाहू आंबेडकर सामाजिक चळवळीतील लढवय्ये नेते प्रेमानंद मौर्य साहेब आपली सेवा निवृत्त झाल्याबद्दल त्यांचा सत्कार करण्याचा योग आला..

यावेळी रिपब्लिकन पक्षाचे जिल्हाध्यक्ष उत्तम कांबळे दादा म्हणाले की प्रेमानंद मौर्य साहेब आपण महावितरण कंपनीच्या सेवेतून सेवानिवृत्त होत असताना आपण केलेले कार्य हे फार महत्त्वाचे आणि मोलाचे आहे यात काही शंका नाही कंपनीचे काम करत असताना आपण महाराष्ट्र राज्य मागासवर्गीय विद्यूत कर्मचारी संघटनेच्या वेगवेगळ्या पदांवर जबाबदारी पार पाडलेली आहे .आपण अत्यंत महत्त्वाचे व कौतुकास्पद कार्य केलेले आहे याचा आम्हाला अभिमान आहे आपण केलेली मेहनत व कष्ट हे इतरांना नेहमी प्रेरणा देत राहतील .तसेच राज्यात फुले शाहू आंबेडकर यांच्या विचारांचे स्मरण ठेवून आपण संघटनेचे कार्य तळमळीने केलेले आहे एक प्रामाणिक पदाधिकारी कसा असावा तर तो आपल्या सारखा असावा असे वाटते आपण संघटनेचे केंद्रीय सरचिटणीस या महत्त्वाच्या पदावर असताना प्रशासनासोबतचा अनुभव आम्हाला नेहमी स्मरणात राहील आपण केलेले कार्य अनन्यसाधारण आहे त्या कार्यामुळे तुम्ही संघटनेच्या नेहमीच स्मरणात राहाल येथून पुढे तुम्हाला असेच कार्य करणेसाठी खूप खूप हार्दिक शुभेच्छा व आपले मनःपूर्वक आभार व्यक्त करतो.
याप्रसंगी उपस्थित कार्यक्रमाचे अध्यक्ष संजयजी घोडके, प्रमुख पाहुणे मा.जे. एस.पाटील, मार्गदर्शक मा.नरेंद्र जारोंडे, सूर्यकांत जनबंधु संजय मोरे ,अनिल कोलप , दयानंद हाटके, गणपत लटपटे ,सुनिल कुमार माने, रवींद्र कोलप,भरत पाटील, एन .डी पोटभरे ,संजय गोळपकर, आर .एस. कांबळे, गणेश मुरकुटे, यावेळी रिपब्लिकन पक्षाचे जिल्हा संघटक राजेंद्र टीपकुलीकर, प्रज्योत सूर्यवंशी , वैभव प्रधान यांच्यासह महाराष्ट्र राज्य मागासवर्गीय विद्युत कर्मचारी प्रमुख पदाधिकारी उपस्थित होते.