दर्पण न्यूज मुंबई /पनवेल: व्हेयिल फाउंडेशन ही भारत सरकारच्या कॉर्पोरेट व्यवहार मंत्रालयाने मान्यता दिलेली एक संस्था आहे, जी गरजूंना एकमेकांशी जोडते. व्हेयिल फाउंडेशनचे तामिळनाडू, केरळ,आंध्र प्रदेश आणि कर्नाटकमध्ये उल्लेखनीय सामाजिक कल्याणकारी कार्यक्रम आहेत.
व्हेयिल फाउंडेशनचे आदिवासी वस्त्या आणि झोपडपट्ट्यांसारख्या विविध आर्थिकदृष्ट्या अडचणी असलेल्या भागात दरमहा मेळावा कार्यक्रम आयोजित केले जातात. या कार्यक्रमांचे उद्दिष्ट त्यांच्यासमोरील आव्हानांचा अभ्यास करणे आणि त्यांचे निराकरण करणे आहे. सध्या शाश्वतता कार्यक्रम मुलांना शैक्षणिक आधार देणे, मुले आणि ज्येष्ठ नागरिकांना अन्न सुरक्षा सुनिश्चित करणे यावर लक्ष केंद्रित करत आहेत. तरुणांना रोजगाराभिमुख प्रशिक्षण दिले जाते.व्हेयिल फाउंडेशन दरवर्षी दोन मुलांचे शिबिर आयोजित करते. एक ओणमच्या वेळी आणि दुसरा उन्हाळी सुट्टीच्या वेळी.
ग्रामीण विकास विभागात ग्रंथालये, अभ्यास केंद्रे, शौचालये आणि स्वच्छता क्षेत्रे बांधणे हे मुख्य उद्दिष्ट राहिले आहे. केरळमधील गावांमधील गरीब कुटुंब, अनाथाश्रम, वृद्धाश्रम आणि मनोरुग्ण पुनर्वसन केंद्रे देखील या कार्यक्रमात जोडली गेली . व्हेयिल फाउंडेशन भारतातील समाजपयोगी कार्य करणाऱ्या विविध क्षेत्रातील मान्यवरांना दरवर्षी पुरस्कार देऊन सन्मानित करतात. यावर्षी . दसऱ्याच्या निमित्ताने महाराष्ट्रात पनवेल येथील योग व निसर्गोपचार तज्ञ रत्नकांत म्हात्रे यांना रवींद्ररत्न पुरस्कार देऊन गौरविण्यात आले. रत्नकांत हे नियमित ऑनलाईन ऑफलाइन व्याख्याने प्रात्यक्षिक व मार्गदर्शन देऊन जनजागरण करीत असतात यावर्षी त्यांनी आंतरराष्ट्रीय ऑनलाइन योगा या संकल्पनेद्वारे देश विदेशातील आत्तापर्यंत 1000 गरजूंना मार्गदर्शन केले. त्यांच्या या कार्याबद्दल त्यांना शुभेच्छा आणि पुरस्काराबद्दल त्यांचे अभिनंदन .
