गोवा पणजी-:(अभिजीत रांजणे):
शिम हुंपून, सामुहीक अणभवांचे दिवप घेवप करपाची आनी भावनांच्या सार्वत्रिक भाशेंतल्यान प्रेक्षकांक एकठांय हाडपाची असामान्य शक्त चित्रपटांत आसता, हें सर्वमान्य आसा. गोंयांत जावपी 54व्या आंतरराष्ट्रीय चित्रपट महोत्सवांत (इफ्फी) अंदूंच्या “कॅचिंग डस्ट” ह्या उक्तावणाच्या चित्रपटान, प्रेक्षकांक मोहित केले. ह्या सिनेमाच्या आकर्शक कथानका वांगडाच, अपवादात्मक दृश्य कलाकुसरीन प्रेक्षकांक एक असामान्य सिनेमा प्रवासाचो अणभव दिलो.
म्हायती आनी वितरावणी राज्यमंत्री, डॉ. एल मुरुगन हाणी चित्रपट प्रदर्शित जावंचे आदी, कलाकार आनी समेस्त टिमीक भौमानीत केले. ह्यावेळार तांचे वांगडा गोंय मनरीजवण सोसायटीच्यो (ईएसजी) उपाध्यक्षा, दिलायला लोबो उपस्थित आशिल्ल्यो.
स्टुअर्ट गॅट हाणें दिग्दर्शित केल्ल्या ह्या चित्रपटांत, एरिन मोरियार्टी, जय कोर्टनी, दीना शिहाबी, रायन कॉर, जोस अल्टिट, गॅरी फॅनिन आनी ओल्वेन फूएरे ह्या सिनेतारकांचो आस्पाव आसा. दिग्दर्शक स्टुअर्ट गॅट हे मिश्र आशियाई दायजाचो पुरस्कार फावो जाल्ले ब्रिटीश चित्रपट निर्माते आसून, ताच्या कथांचेर प्रासंगीक समाजीक विशयांचो प्रभाव दिसून येता.
चित्रपटाचे कथानक: 96 मिनटांचो हो चित्रपट टेक्सासातल्या बिग बेंडाच्या एकसुरेपणांत घडिल्ले नाटक आसा, जंय एका कम्युनाचेर, एक ट्रेलर होच गीना आनी तिचो गुन्यांवकारी घोव क्लायड हांकां लिपपाचें थळ जाता. ताच्या नियंत्रणाक वाजोवन गीना थंयच्यान वचपाचें थारायता, तेन्नाच न्यूयॉर्कांतल्यान एक जोडपें घेवन अचकीत एक ट्रेलर पावता. तांच्या हाजिरेंतल्यान येवपी धोक्यांकडेन दुर्लक्ष करून, गीना क्लायडाक तांकां रावपाक दिवपाक मनयता. हो निर्णय तांकां सगळ्यांकच धोक्याचो आसता. स्पश्ट निराशा मुखार आसतना, सांत्वन मेळोवपाच्या खोलायेन हो सिनेमा प्रेक्षकांक मोहित करता.
