ब्रम्हनाळ येथे भारती विद्यापीठ मेडिकल कॉलेज, हॉस्पिटल, ग्रामपंचायत ब्रम्हनाळ यांच्या आयोजित मोफत आरोग्य शिबिरास उत्स्फूर्त प्रतिसाद

भिलवडी : – सांगली जिल्ह्यातील
ब्रम्हनाळ ता.पलूस येथे भारती विद्यापीठ मेडिकल कॉलेज आणि हॉस्पिटल व ग्रामपंचायत ब्रम्हनाळ यांच्या संयुक्त विद्यमाने वैद्यकीय व रक्त तपासणी शिबीर संपन्न झाले. यामध्ये १५० ग्रामस्थांची मोफत आरोग्य तपासणी करण्यात आली. जनवैद्यक शास्त्र विभागामार्फत कुटुंब दत्तक कार्यक्रमांतर्गत हे शिबीर आयोजित केले होते. वय वर्षे ७ ते ७० पर्यंत सर्वांची मोफत आरोग्य तपासणी करण्यात आली. मधुमेह व रक्तक्षय यांसारख्या विविध आजारांसाठी मोफत उपचार केले. भारती विद्यापीठ विभागीय मानद संचालक डॉ.एच.एम.कदम, डीन डॉ.सारा धनवडे, वैद्यकीय अधीक्षक डॉ.अजित जोशी यांचे सहकार्य लाभले. ब्रम्हनाळ सरपंच गीता गायकवाड, उपसरपंच सुभाष वडेर व सर्व सदस्य, जनवैद्यक शास्त्र विभागाचे प्रमुख डॉ. संजय कुरेशी, प्रा.डॉ.गिरीश धुमाळे, डॉ. आखिला राव, डॉ. राजश्री कोटावडेकर, डॉ.शोभना पुरोहित, डॉ.नबीर यांच्यासह विकास गस्ते, मनोज पाटील उपस्थित होते.