सांगली : राष्ट्रपिता महात्मा गांधी व माजी प्रधानमंत्री लालबहादूर शास्त्री यांच्या जयंती निमित्त त्यांच्या प्रतिमांना जिल्हा प्रशासनाच्या वतीने निवासी उपजिल्हाधिकारी ज्योती पाटील यांनी पुष्पहार अर्पण करून अभिवादन केले. या प्रसंगी जिल्हा सूचना विज्ञान अधिकारी यासीन पटेल, तहसिलदार लिना खरात, नायब तहसिलदार उत्तम हेरले, अनंत पिसे यांच्यासह जिल्हाधिकारी कार्यालयातील अधिकारी, कर्मचारी उपस्थित होते.
यावेळी निवासी उपजिल्हाधिकारी ज्योती पाटील, तहसिलदार लिना खरात व नायब तहसिलदार अनंत पिसे यांनी मनोगत व्यक्त करताना राष्ट्रपिता महात्मा गांधी व माजी प्रधानमंत्री लालबहादूर शास्त्री यांच्या कार्याबद्दल उपस्थित सर्वांना माहिती दिली.
