दर्पण न्यूज धाराशिव प्रतिनिधी (संतोष खुणे)
धाराशिव तालुक्यातील येडशी येथील जनता विद्यालय, येडशी
एनएमएमएस परीक्षा निकाल 2025–26 — यशाची अभिमानास्पद झेप!
मेहनत, नियोजन आणि विश्वास यांची सांगड घातली तर यश आपोआप पावलांशी येते—याचा प्रत्यय जनता विद्यालय, येडशीच्या एनएमएमएस निकालातून पुन्हा एकदा आला आहे. शैक्षणिक वर्ष 2025–26 मध्ये एकूण 83 विद्यार्थ्यांनी परीक्षेसाठी प्रविष्ट घेतली होती. त्यापैकी 2 विद्यार्थी अनुपस्थित राहिले; मात्र परीक्षेला सामोरे गेलेल्या विद्यार्थ्यांपैकी तब्बल 38 विद्यार्थ्यांनी उज्ज्वल यश संपादन करत प्रशालेचा नावलौकिक अधिक उंचावला आहे. विशेष उल्लेखनीय बाब म्हणजे दहा विद्यार्थ्यांनी 100 पेक्षा जास्त गुण मिळवून गुणवत्तेची चमकदार छाप उमटवली आहे.
हे यश योगायोगाने मिळालेले नाही; तर प्रशालेचे प्राचार्य श्री. नलवडे सर, उपप्राचार्य श्री. कांबळे सर, पर्यवेक्षिका सौ. नाईक-नवरे मॅडम यांचे दूरदृष्टीपूर्ण नेतृत्व, सूक्ष्म नियोजन आणि सातत्यपूर्ण मार्गदर्शन, तसेच बाह्य स्पर्धा प्रमुख श्री. नलवडे एस. एन. यांचे प्रभावी मार्गदर्शन, पालकांचे जागरूक व प्रेमळ पाठबळ आणि विद्यार्थ्यांची जिद्द, शिस्त व अखंड परिश्रम यांचा हा सुवर्ण संगम आहे.
या यशाने प्रत्येक विद्यार्थ्याच्या डोळ्यांत नवे स्वप्न चेतवले आहे आणि “मेहनत कधीच वाया जात नाही” हा विश्वास अधिक दृढ केला आहे.
यशस्वी विद्यार्थ्यांचे मनःपूर्वक अभिनंदन!
पुढील शैक्षणिक वाटचालीसाठी हार्दिक शुभेच्छा—उद्याचे उज्ज्वल शिखर तुम्हीच सर करणार, हा ठाम विश्वास!
