सांगली जिल्हा परिषद, पंचायत समिती सार्वत्रिक निवडणूक-2026 ; जिल्ह्यात सरासरी 69.76 टक्के इतके मतदान

सांगली जिल्ह्यात एकूण 191 टेबलवर 122 फेऱ्यांमध्ये होणार मतमोजणी ; मतमोजणीसाठी प्रशासन सज्ज

मुख्य संपादक08/02/2026

178

दर्पण न्यूज मिरज / सांगली : सांगली जिल्ह्यात जिल्हा परिषदेचे 61 निवडणूक विभाग व 10 पंचायत समितीच्या 122 निर्वाचन गणांसाठी दिनांक 7 फेब्रुवारी 2026 रोजी सरासरी 69.76 टक्के इतके मतदान झाले. या मतदानाची मतमोजणी सोमवार, दिनांक 9 फेब्रुवारी 2026 रोजी जिल्ह्यात एकूण 191 टेबलवर 122 फेऱ्यांमध्ये होणार आहे. यासाठी प्रशासन सज्ज झाले आहे.

मतमोजणीसाठी तालुकानिहाय टेबल संख्या व फेऱ्यांची संख्या पुढीलप्रमाणे. आटपाडी – 18 टेबल, 12 फेऱ्या, जत – 27 टेबल, 13 फेऱ्या, खानापूर – 16 टेबल, 9 फेऱ्या, कडेगाव – 16 टेबल, 11 फेऱ्या, तासगाव – 20 टेबल, 12 फेऱ्या, कवठेमहांकाळ – 16 टेबल, 9 फेऱ्या, पलूस – 14 टेबल, 9 फेऱ्या, वाळवा – 22 टेबल, 19 फेऱ्या, शिराळा – 20 टेबल, 9 फेऱ्या, मिरज – 22 टेबल, 19 फेऱ्या.

तालुकानिहाय मतमोजणीचे ठिकाण पुढीलप्रमाणे – आटपाडी – पहिला मजला हॉल नवीन प्रशासकीय इमारत, तहसिलदार कार्यालय, आटपाडी. जत – जुने शासकीय धान्य गोदाम क्र. 2, नवीन प्रशासकीय इमारत, जत तहसिल कार्यालयाच्या समोर, जत. खानापूर – इनडोअर स्पोर्ट्स फॅसिलिटी सेंटर (Indoor Sports facility centre), बळवंत कॉलेज विटा. कडेगाव – औद्योगिक प्रशिक्षण संस्था (ITI), कडेगाव, कराड कडेगाव रोड, कडेगाव. तासगाव – शासकीय बहुउद्देशीय कक्ष, मध्यवर्ती प्रशासकीय इमारत तासगाव, दत्तमाळ. कवठेमहांकाळ – पुरवठा शाखा समोरील मोकळी जागा, मध्यवर्ती प्रशासकीय इमारत, कवठेमहांकाळ. पलूस – मध्यवर्ती प्रशासकीय इमारत, तळमजला, दिवाणी न्यायालयाजवळ, पलूस. वाळवा – शासकीय धान्य गोदाम, बहे रोड, ईश्वरपूर. शिराळा – श्री गोरक्षनाथ शासकीय औद्योगिक प्रशिक्षण संस्था, शिराळा. मिरज – शासकीय नवीन धान्य गोदाम, मिरज, वैरण बाजार, मिरज.

तालुकानिहाय मतदानाची आकडेवारी पुढीलप्रमाणे –

अ.क्र.	तालुका	निवडणूक विभाग	निर्वाचन गण	एकूण मतदार				झालेले मतदान
अ.क्र.	तालुका	निवडणूक विभाग	निर्वाचन गण	पुरूष	स्त्री	इतर	एकूण	पुरूष	स्त्री	इतर	एकूण	टक्के-वारी
1	आटपाडी	४	८	61738	59372	4	121114	45894	43013	4	88911	73.41
२	जत	९	१८	140188	127300	1	267489	95231	85035	0	180266	67.39
३	खानापूर	४	८	57449	57002	3	114454	38626	38388	3	77017	67.29
४	कडेगाव	४	८	67141	68443	3	135587	49645	47364	2	97011	71.55
५	तासगाव	६	१२	96621	92988	5	189614	65638	60205	2	125845	66.37
६	कवठेमहां-काळ	४	८	63423	61748	0	125171	43136	39395	0	82531	65.93
७	पलूस	४	८	62493	62148	2	124643	48403	46009	1	94413	75.75
८	वाळवा	११	२२	151788	147048	3	298839	115560	107685	3	223248	74.71
९	शिराळा	४	८	70654	68483	2	139139	49564	48105	2	97671	70.20
१०	मिरज	११	२२	152426	150249	19	302694	105045	96874	9	201928	66.71
एकूण		६१	१२२	923921	894781	42	1818744	656742	612073	26	1268841	69.76