दर्पण न्यूज मिरज/ सांगली:- सांगली मिरज आणि कुपवाड महापालिका निवडणुकीत भाजपाचे उमेदवार प्रभाग क्रमांक २० मधून शैक्षणिक क्षेत्रात उत्कृष्ट कार्य करणारे सुनील गवळी उभे राहिले आहेत. एक सुशिक्षित चेहरा आणि कार्यतत्पर म्हणून त्यांच्याकडे पाहिले जात आहे.
आदिवासी भागातील तरूण उमेदवार सुनील गवळी यांना साथ देण्यासाठी प्रभाग क्रमांक २० मधून विद्यार्थी वर्ग सुद्धा आपला सहभाग दाखवत आहेत. चिमुकल्यांच्या या साथीने सुनील गवळी यांच्यासारख्या उमद्या नेतृत्वाला अजून बळ मिळाल्याने निवडणुकीत विजयाची खात्री जवळपास निश्चित झाल्याचे स्पष्ट मत जाणकार मंडळींनी मांडले आहे.
सुनील गवळी शिक्षणासोबतच सामाजिक कार्यात नेहमीच पुढाकार घेताना दिसतात. त्यांच्या कार्यकर्तुत्वाचा आदर्श घेण्यासारखा आहे. उमेदवार गवळी हे कार्यसम्राट नगरसेवक म्हणून परिचित असलेल्या योगेंद्र थोरात यांच्या पॅनल मधून निवडणूक लढवीत आहेत. प्रभागाचा विकास हाच आमचा ध्यास हे ब्रीद घेऊन समाजातील युवा, महिला, विद्यार्थी व ज्येष्ठ नागरिक यांच्या माध्यमातून ते आता तळागाळापर्यंत पोहोचले आहेत.
दर्जात्मक शिक्षण व डिजिटल अध्यापन याकडे त्यांनी विशेष लक्ष दिल आहे. प्रभागातील कोणीच शिक्षणापासून वंचित राहिला नाही पाहिजे यासाठी त्यांचा पुरेपूर प्रयत्न आहे. गवळी यांचे समाजाशी असलेल्या समस्यांबाबत नेहमीच पाठपुरावा करण्याचे सातत्य त्यांना यश मिळवून देईल.
सुनील गवळी यांनी मुख्याध्यापक पद सांभाळून जनतेची सेवा केली आहे. सामाजिक, शैक्षणिक क्षेत्रात नेहमीच कार्य करणारे सुनील गवळी सरांनी सांगली मिरज आणि कुपवाड महापालिका निवडणुकीत प्रभाग क्रमांक 20 मधून भाजपची उमेदवारी घेतली आहे. प्रभाग क्रमांक 20 मधून त्यांना मोठ्या संख्येच्या मतांनी निवडून द्या, अशी जनतेची अपेक्षा आहे.
