वसंतदादा शेतकरी सहकारी साखर कारखाना सांगलीच्या चेअरमनपदी खासदार विशाल दादा पाटील यांची निवड
दर्पण न्यूज सांगली : सांगली येथील वसंतदादा शेतकरी सहकारी साखर कारखाना सांगलीच्या चेअरमनपदी खासदार विशाल दादा पाटील यांची निवड करण्यात आली आहे.
या निवड प्रक्रियेवेळी भिलवडी गावचे नेते वसंतदादा शेतकरी सहकारी साखर कारखाना सांगलीचे संचालक यशवंत उर्फ राजू दादा पाटील यांच्या सह इतर संचालक उपस्थित होते.
यावेळी खासदार विशाल दादा पाटील यांनी सांगितले की,
ही जबाबदारी केवळ एक पद नाही तर शेतकरी बांधवांचे हित, कामगारांचे कल्याण आणि कारखान्याच्या सर्वांगीण प्रगतीसाठी आपण सर्वांनी माझ्यावर ठेवलेल्या विश्वासाचे प्रतीक आहे. कारखान्याचा विकास अधिक गतीमान करणे, आधुनिक तंत्रज्ञानाचा अवलंब करणे आणि शेतकऱ्यांसाठी अधिक फायदेशीर उपक्रम राबवणे यालाच माझे सर्वोच्च प्राधान्य असणार आहे. जबाबदारी पुन्हा एकदा दिल्याबद्दल सर्व संचालक मंडळ, कर्मचारी व शेतकरी बांधवांचे मनःपूर्वक आभारही चेअरमन विशाल दादा पाटील यांनी मानले.
