आगामी स्थानिक स्वराज्य संस्था निवडणुकीमध्ये मनोबल वाढविण्यासाठी कार्यकर्त्यांना ताकत देणार : जनसुराज्य पक्षाचे प्रदेशाध्यक्ष समीत दादा कदम

दर्पण न्यूज  मिरज :- आरग गावातील आजी-माजी ग्रामपंचायत सदस्य, सोसायटी संचालक यांचा शेकडो कार्यकर्त्यांसह जनसुराज्य शक्ती पक्षात प्रवेश करण्यात आला . यावेळी जनसुराज्य शक्ती पक्षाचे प्रदेशाध्यक्ष समीत दादा कदम यांनी सांगितले की, आगामी स्थानिक स्वराज्य संस्था निवडणुकीत मध्ये मनोबल वाढविण्यासाठी कार्यकर्त्यांना ताकत देणार आहे. जनसुराज्य पक्षाच्या पदाधिकारी आणि कार्यकर्त्यांनी गावागावात समाजाभिमुख जोरदार कार्य करावे. यासाठी मी आपल्याला  साथ देईल, असेही समीत दादा कदम म्हणाले.

जनसुराज्य शक्ती पक्षांमध्ये पक्षप्रवेशाचा प्रवाह सुरूच असून आज दिनांक 4 जून 2025 रोजी आरग येथील आजी-माजी ग्रामपंचायत सदस्य, सोसायटी संचालक यांच्यासह शेकडो कार्यकर्त्यांनी जनसुराज्य शक्ती प्रदेशाध्यक्ष समित दादा कदम यांच्या हस्ते जाहीर प्रवेश केला आहे.

आरग
ग्रामपंचायत सदस्य सुधीर कवाळे, वैभव जतकर सोसायटी चेअरमन रवींद्र पाटील विजय देसाई गणेश जतकर संजय चव्हाण रघुनाथ सुतार माजी ग्रामपंचायत सदस्य सुनील गायकवाड दशरथ देसाई माजी ग्राम पंचायत सदस्य भीमराव इंगळे यांच्यासह शेकडो कार्यकर्त्यांचा प्रवेश करण्यात आला यावेळी माजी नगरसेवक ज्येष्ठ नेते मा महादेव (अण्णा) कुरणे माजी नगर सेवक आनंदा देव माने समिर मलगावे जिल्हा प्रमुख अनंदसागर पुजारी शहर जिल्हा अध्यक्ष डॉ पंकज म्हेत्रे अनुसूचीत जाती जमाती जिल्हा अध्यक्ष प्रविंन धेंडे मिरज शहर अध्यक्ष योगेश दरवंदर शिवलिंग मेंढे सुशील माळी विनायक शेरबंदे कासम मुल्ला विनायक रुईकर जयसिंग चव्हाण सोनी संचालक अमर दादा पाटील यांच्यासह पदाधिकारी उपस्थित होते .

महाराष्ट्र कर्नाटक सीमेवरील आरग गावाला आगामी काळात महत्व देण्यासाठी प्रयत्न करणार,आगामी स्थानिक स्वराज्य संस्था निवडणुकीत मनोबल वाढविण्यासाठी कार्यकर्त्यांना ताकत देणार,असे आश्वासन यावेळी समित दादा कदम यांनी दिले.