महाराष्ट्र

पालकमंत्री  चंद्रकांत पाटील  यांच्याहस्ते प्रजासत्ताक दिनी  मुख्य शासकीय ध्वजारोहण

 

 

     दर्पण न्यूज  सांगली,  भारताचा 76 वा प्रजासत्ताक दिन समारंभ रविवार, दिनांक 26 जानेवारी 2025 रोजी साजरा करण्यात येणार आहे. या ‍दिवशी राज्याचे उच्च व तंत्रशिक्षण, संसदीय कार्य मंत्री तथा सांगली जिल्ह्याचे पालकमंत्री चंद्रकांत पाटील यांच्याहस्ते मुख्य शासकीय ध्वजारोहण पोलीस परेड ग्राऊंड विश्रामबाग, सांगली येथे सकाळी 9.15 वाजता होणार आहे.

            या कार्यक्रमास स्थानिक लोकप्रतिनिधी, स्वातंत्र्य सैनिक, शहिद जवानांच्या पत्नी व आईवडील यांनी उपस्थित रहावे, असे आवाहन जिल्हा प्रशासनाच्या वतीने करण्यात आले आहे. ध्वजारोहणाचा समारंभ सुरु होण्यापूर्वी 15 मिनिटे आसनस्थ व्हावे व सुरक्षिततेच्या दृष्टीने कोणतीही बॅग सोबत आणू नये, असे स्पष्ट करण्यात आले आहे.

            अधिकाधिक नागरिकांना हा सोहळा घरबसल्या पाहता यावा यासाठी नागरिकांनी बेवसाईटव्दारे होणारे थेट प्रक्षेपण पहावे. मुख्य शासकीय समारंभात निमंत्रितांना सहभागी होता यावे, यासाठी दि. 26 जानेवारी 2025 रोजी सकाळी 8.30 ते 10 वाजेपर्यंतच्या दरम्यान ध्वजारोहणाचा किंवा इतर कोणताही शासकीय किंवा अर्धशासकीय समारंभ आयोजित करण्यात येवू नये. जर एखाद्या कार्यालयास अथवा संस्थेला आपला स्वत:चा ध्वजारोहण समारंभ करावयाचा असल्यास त्यांनी तो समारंभ सकाळी 8.30 च्या पूर्वी  किंवा 10 वाजल्यानंतर करावा, असे आवाहन जिल्हा प्रशासनातर्फे करण्यात आले आहे.

Share

Related Articles

Leave a Reply

Your email address will not be published. Required fields are marked *

Back to top button
Don`t copy text!