सांगली, : विधानसभा सार्वत्रिक निवडणूक-2024 साठी नामनिर्देशन पत्रे दाखल करण्याच्या दुसऱ्या दिवशी आज 283-इस्लामपूर विधानसभा मतदारसंघात 2, 285-पलूस-कडेगाव विधानसभा मतदारसंघात 1 व 288-जत विधानसभा मतदारसंघात 2 नामनिर्देशनपत्र, अशी एकूण 5 नामनिर्देशन पत्रे दाखल झाली. ही माहिती संबंधित मतदारसंघाचे निवडणूक निर्णय अधिकारी यांनी दिली.
दुसऱ्या दिवशी दाखल नामनिर्देशनपत्रांची व विक्रीची माहिती पुढीलप्रमाणे
| विधानसभा मतदारसंघाचे नाव | नामनिर्देशनपत्र दाखल संख्या | नामनिर्देशनपत्र दाखल केलेल्या व्यक्तिचे नाव व पक्ष | नामनिर्देशनपत्र विक्री |
| 281-मिरज (अ.जा.) | निरंक | निरंक | निरंक |
| 282-सांगली | निरंक | निरंक | निरंक |
| 283-इस्लामपूर | 02 | गुणवंत रामचंद्र देशमुख (अपक्ष) | 7 व्यक्तिंना 8 नामनिर्देशनपत्र विक्री |
| अमोल आनंदराव पाटील (अपक्ष) | |||
| 284-शिराळा | निरंक | निरंक | 4 व्यक्तिंना 8 नामनिर्देशनपत्र विक्री |
| 285-पलूस-कडेगाव | 01 | राहुल शिवाजी पाटील (अपक्ष) | 5 व्यक्तिंना 8 नामनिर्देशनपत्र विक्री |
| 286-खानापूर | निरंक | निरंक | 8 व्यक्तिंना 14 नामनिर्देशनपत्र विक्री |
| 287-तासगाव-कवठेमहांकाळ | निरंक | निरंक | 7 व्यक्तिंना 14 नामनिर्देशनपत्र विक्री |
| 288-जत | 02 | कदम सतिश ललिता कृष्णा (हिंदुस्तान जनता पार्टी) | 9 व्यक्तिंना 17 नामनिर्देशनपत्र विक्री |
| विक्रम दादासो ढोणे (अपक्ष) |
नामनिर्देशन पत्र भरण्याची अंतिम तारीख मंगळवार दि. 29 ऑक्टोबर 2024 असून नामनिर्देशन पत्राची छाननी बुधवार दि. 30 ऑक्टोबर 2024 होणार आहे. उमेदवारी अर्ज मागे घेण्याची तारीख सोमवार दि. 4 नोव्हेंबर 2024 आहे. दि. 20 नोव्हेंबर 2024 रोजी मतदान होणार आहे. तर मतमोजणी शनिवार दि. 23 नोव्हेंबर 2024 रोजी होणार आहे. निवडणूक प्रक्रिया पूर्ण करण्याची अंतिम तारीख सोमवार दि. 25 नोव्हेंबर 2024 आहे.
———————+
विधानसभा मतदारसंघातील निवडणूक कामकाजाचा खर्च निरीक्षकांकडून आढावा
सांगली : मा. भारत निवडणूक आयोगाकडून जिल्ह्यातील 8 विधानसभा मतदारसंघाअंतर्गत खर्च विषयक बाबींच्या निरीक्षणासाठी नियुक्त करण्यात आलेले निवडणूक खर्च निरीक्षक करणी दान व बुरा नागा संदीप यांनी निवडणूक कामकाजाचा आढावा घेतला. कवठेमहांकाळ – तासगाव, विटा, जत आणि पलूस – कडेगाव मतदारसंघांसाठी खर्च निरीक्षक बुरा नागा संदीप (आय. आर. एस.) सी व सीई व सांगली, मिरज, वाळवा, शिराळा विधानसभा सार्वत्रिक निवडणूक-2024 साठी खर्च निरीक्षक म्हणून करणी दान (आय.आर.एस.) यांची नियुक्ती मा. भारत निवडणूक आयोगाकडून करण्यात आली आहे.
जिल्हाधिकारी कार्यालयात झालेल्या या बैठकीस जिल्हाधिकारी तथा जिल्हा निवडणूक अधिकारी डॉ. राजा दयानिधी, जिल्हा परिषद मुख्य कार्यकारी अधिकारी तृप्ती धोडमिसे, पोलीस अधीक्षक संदीप घुगे, खर्च नियंत्रण समितीचे नोडल अधिकारी शिरीष धनवे, उप जिल्हा निवडणूक अधिकारी नीता शिंदे, जिल्हास्तरीय समित्यांचे नोडल अधिकारी प्रत्यक्षात आणि सर्व विधानसभा मतदारसंघ निवडणूक निर्णय अधिकारी दूरदृष्यप्रणालीद्वारे उपस्थित होते.
निवडणुकीसाठी नियुक्त सर्व यंत्रणांनी मा. भारत निवडणूक आयोगाच्या मार्गदर्शक सूचनांप्रमाणे काटेकोरपणे दिलेली जबाबदारी पार पाडावी. विधानसभा सार्वत्रिक निवडणूक-2024 ची प्रक्रिया जिल्ह्यात शांततेत, निःपक्षपातीपणे, भयमुक्त वातावरणात व पारदर्शकपणे पार पाडण्यास व आदर्श आचारसंहितेची जिल्ह्यात काटेकोरपणे अंमलबजावणी करण्यासाठी परस्पर समन्वय ठेवावा. सर्व पथकांनी सतर्क राहावे, असे खर्च निरीक्षक करणी दान व बुरा नागा संदीप यांनी यावेळी सूचित केले.
जिल्हाधिकारी डॉ. राजा दयानिधी म्हणाले, आठही मतदारसंघात मतदारसंघनिहाय निवडणूक निर्णय अधिकारी, सहायक निवडणूक निर्णय अधिकारी, एफएसटी, एसएसटी, व्हीडिओ सर्वेक्षण पथक (व्हीएसटी), व्हीडिओ पाहणी पथक (व्हीव्हीटी) पथकातील सदस्यांची नियुक्ती करण्यात आली आहे. त्यांना प्रशिक्षणही देण्यात आले असून दिलेल्या जबाबदारीप्रमाणे आपापल्या मतदारसंघात कामे करीत आहेत. या आढावा बैठकीत निवडणूक खर्च निरीक्षकांनी दिलेल्या सूचनांचे काटेकोरपणे पालन होईल, याबाबत सर्व संबंधितांनी दक्षता घ्यावी, असेही डॉ. राजा दयानिधी यांनी सूचित केले.
यावेळी शिरीष धनवे यांनी जिल्ह्यातील आठही विधानसभा मतदार संघांतील कार्यवाहीचा आढावा संगणकीय सादरीकरणाच्या माध्यमातून सादर केला.
