विधानसभा निवडणूक भरघोस मतांनी जिंकण्यासाठी पदाधिकारी , कार्यकर्त्यांनी एकदिलाने काम करावे : आमदार डॉ विश्वजीत कदम

भिलवडी :
पलूस-कडेगाव मतदारसंघाच्या सर्वांगीण प्रगतीचे आपले स्वप्न पूर्ण करण्यासाठी मी सक्षम असल्याची ग्वाही आ.डॉ.विश्वजीत कदम यांनी दिली.
भिलवडी जिल्हा परिषद गट खंडोबाचीवाडी ता.पलूस येथील काँग्रेस कार्यकर्त्यांच्या मेळाव्यात ते बोलत होते.
ते म्हणाले,
माजी मंत्री स्व.डॉ. पतंगराव कदम साहेब यांनी काँग्रेस पक्षाची ध्येय-धोरणे तळागाळातील लोकांपर्यंत पोहचवली. साहेबांचा आदर्श जपत मी जनसामान्यांच्या कल्याणासाठी सदैव काम करत आहे.
मतदारसंघाचा विकासरथ पुढे नेण्यासाठी आगामी विधानसभा निवडणूक आपल्याला भरघोस मतांनी जिंकायची आहे. त्यासाठी सर्व कार्यकर्त्यांनी एकदिलाने काम करण्याचे आवाहन केले.

यावेळी रयत शिक्षण संस्थेचे उपाध्यक्ष महेंद्र आप्पा लाड यांनी मनोगत व्यक्त केले.
या मेळाव्यास रयत शिक्षण संस्थेचे उपाध्यक्ष महेंद्र लाड, भिलवडीचे प्रमुख नेते राजूदादा पाटील, चंद्रकांत पाटील, शहाजी भाऊ गुरव, ओंकार पाटील, बाळासो मोरे, बाळासाहेब मोहिते, बी डी पाटील सर, संताजी जाधव, कुमार पाटील, माणिक माने, नंदकुमार कदम, अमोल पाटील, प्रल्हाद गडदे यांच्यासह भिलवडी जिल्हा परिषद गटातील भिलवडी, माळवाडी, खंडोबाचीवाडी, धनगांव, बुरूंगवाडी, भिलवडी स्टेशन, सुखवाडी, चोपडेवाडी, खटाव, वसगडे, ब्रम्हनाळ या गावचे सर्व सरपंच, उपसरपंच, सदस्य, नेते व कार्यकर्ते मोठ्या संख्येने उपस्थित होते.