स्कॉडा कार मधील रक्कम चोरणाऱ्याला धाराशिव स्थानिक गुन्हे शाखेने केले गजाआड

दर्पण न्यूज धाराशिव प्रतिनिधी( संतोष खुने) :-

स्थानिक गुन्हे शाखा : फिर्यादी नामे-नागराज सदानंद मडीवाळ, वय 29 वर्षे, रा. चिंचवाडा गाव पाली ता. बिचोली नॉर्थ जि. नॉर्थ गोवा यांचे स्कॉडा स्लाविया कार क्र जीए 04 ई 9156 मध्ये पर्स मधील रोख रक्कम 1,50,000₹ व कागदपत्रे हे दि.19.07.2026 रोजी 11.30 ते 18.00 वा. सु. घाटशिळ पार्कींग येथे स्माशानभुमी रोडवर इदगाह जवळ तुळजापूर येथुन अज्ञात व्यक्तीने गाडीचा डाव्या बाजूचा काच फोडून चोरुन नेले होते. अशा मजकुराच्या फिर्यादी नामे-नागराज मडीवाळ यांनी दि.19.07.2026 रोजी दिलेल्या प्रथम खबरेवरुन तुळजापूर पो ठाणे येथे भा.न्या.सं.कलम 303(2) अन्वये गुन्हा नोंदवला आहे.

सदर गुन्हा तपासादरम्यान मा. पोलीस अधीक्षक श्रीमती रितु खोखर, अपर पोलीस अधीक्षक श्री. सचिन पांडकर यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री. विनोद इज्जपवार व पोलीस निरीक्षक श्री. मांजरे, स्थानिक गुन्हे शाखेचे पोलीस हवालदार अमोल निंबाळकर, राहुल नाईकवाडी, बळीराम शिंदे यांच्या पथकास मिळालेल्या गोपनीय माहितीच्या आधारे तुळजापूर ता. तुळजापूर जि. धाराशिव येथील-मनोज महादेव धोत्रे, रा. वेताळ नगर तुळजापूर यास ताब्यात घेउन त्याचे कडे चौकशी केली असता त्यांनी सदरचे गुन्हे केल्याची कबुल करुन त्याने चोरी केलेला मुद्देमालापैकी काही मुद्देमाल पंचा समक्ष जप्त करण्यात आला. असुन सदरचा पंचनामा पोलीस ठाणे तुळजापूर येथील पोलीस उप निरीक्षक श्री थोटे यांनी केला. नमुद आरोपीस पोलीस ठाणे तुळजापूर येथे हजर केले आहे.