भिलवडी येथे पोलिस चलन फाडण्यात व्यस्त ; रात्रीचं चोर पेट्रोल चोरतात मस्त
नागरिक त्रस्त : वेळीच कारवाई करावी रास्त
भिलवडी :- सांगली जिल्हा पलूस तालुक्यातील भिलवडी आणि परिसरात गेल्या काही दिवसांपासून शेतात बांधावर, झाडाखाली अन् अंगणात उभा केलेल्या मोटार सायकली (दुचाकी) तून रात्रीचं बिनबोभाट पेट्रोल चोरीच्या प्रमाणात वाढ झाली आहे. मात्र , भिलवडी पोलिस चलन फाडण्यात व्यस्त अन् रात्रीचं चोर पेट्रोल चोरतात मस्त , अशा प्रतिक्रिया लोकांतून होत आहे .
भिलवडी आणि परिसरात गेल्या काही दिवसांपासून रात्रीचा खेळ चाले , अंगणात उभा केलेल्या मोटार सायकली (दुचाकी) तून रात्रीचं पेट्रोल चोरी मोठ्या प्रमाणात वाढ होत आहे. यामुळे अचानक परगावी जाणाऱ्या माणसांची मानसिकता बिघडत आहे. भिलवडी, माळवाडी परिसरात पेट्रोल पंप नसल्याने काही लोक एकदाच मोटारसायकल मध्ये जादा पेट्रोल भरत असतात. याचाच फायदा घेत पेट्रोल चोर चोरी करतात.
एका रात्रीत किमान तीन लिटर पेट्रोलची चोरी केली तर चोरणाऱ्याला अंदाजे तीनशे रुपये मिळतात. तर दिवसभर काम करून मायमाऊलीला ते मिळत नाहीत. दोन नंबर सारखाच हा नवीन धंदा काही लोकांनी सुरू केला आहे की काय , अशी चर्चा लोकांमधून होताना दिसत आहे.
पोलिस एका ठराविक कोपऱ्यावर विना लायसन्स आणि इतर बेकायदेशीर बाबीला आळा घालण्यासाठी कायदेशीर चलन फाडत असतील तर या होणाऱ्या चोरीमुळे पोलिस चलन फाडण्यात व्यस्त अन् रात्रीचं चोर पेट्रोल चोरतात मस्त , असं लोकांच बोलन साहाजिकच इथे होईल, असे अनेकजण म्हणतात.
पोलिस आपली योग्य भूमिका बजावत असतानाही आणि रोजचं पोलिस पेट्रोलिन (रात्रीचा बंदोबस्त) करत असतानाही भिलवडी आणि परिसरात होणाऱ्या पेट्रोल, डिझेल चोरीवर आळा घालावा, अशी मागणी लोकांतून होत आहे.
लोकहो..! जशी आपण पोलिस मामांकडून चोरीच्या प्रकाराला आळा घालण्याची मागणी करतो तशी आपली मोटारसायकल, आपलं अंगण आणि आपलाच शेताचा बांध. तर आपणही तशी खबरदारी घेतली तर कसं होईल?