संजय गांधी निराधार व श्रावणबाळ सेवा राज्य योजनेच्या लाभार्थ्यांनी आधारकार्ड व बँक पासबुकची प्रत तहसील कार्यालयात जमा करावी  

सांगली :  संजय गांधी निराधार व श्रावणबाळ सेवा राज्य या योजनेच्या अनुदानाची रक्कम डीबीटी प्रणालीव्दारे लाभार्थ्यांच्या खात्यावर जमा होणार आहे. डीबीटी पोर्टलवर आधारकार्ड व्हेरीफीकेशन न होणारे लाभार्थी लाभापासून वंचित राहू शकतात. तरी या योजनांच्या सर्व लाभार्थ्यांनी  त्यांच्या आधारकार्ड व बँक पासबुकची प्रत आधारकार्डला संलग्न असलेल्या मोबाईल क्रमांकसह आपल्या तालुक्यातील तहसील कार्यालयाच्या संजय गांधी शाखेत त्वरीत जमा करावेत, असे आवाहन उपजिल्हाधिकारी (महसूल) राजीव शिंदे यांनी प्रसिध्दीपत्रकाव्दारे केले आहे.