पलूस :
महाराष्ट्र शासन कृषी विभाग तालुका कृषी अधिकारी कार्यालय पलूस यांचे मार्फत आवाहन करण्यात येते की रब्बी हंगाम 2024 – 25 मध्ये गहू व हरभरा पिकाची स्पर्धा आयोजित केली असून त्यात सहभागी होण्याचे अंतिम मुदत 31 डिसेंबर 2024 आहे तरी या स्पर्धेत तालुक्यातील जास्तीत जास्त गहू व हरभरा पिकाची लागवड करणाऱ्या शेतकऱ्यांनी सहभाग घ्यावा असे आवाहन कृषी अधिकारी पलूस श्री अरविंद यमगर यांनी केले आहे.
तालुक्यातील प्रयोगशील शेतकरी आपल्या पिकाची उत्पादकता वाढावी यासाठी विविध प्रकारचे प्रयोग करत असतात त्यांना प्रोत्साहन देण्यासाठी शासनाने पीक स्पर्धेचे आयोजन केले असून प्रयोगशील शेतकऱ्यांनी मिळवलेल्या उत्पादनाला प्रोत्साहन देऊन त्यांचा गौरव केल्यास त्यांची इच्छाशक्ती व मनोबल यामध्ये वाढ होऊन आणखीन उमेदीने नवनवीन अद्ययावत तंत्रज्ञान वापर शेतकऱ्याकडून केला जातो हा उद्देश ठेवून राज्यांतर्गत पीक स्पर्धा तालुका जिल्हा व राज्य पातळीवर राबविण्यात येते यानुसार चालू रब्बी हंगामामध्ये पलूस तालुक्यामध्ये रब्बी गहू व हरभरा या पिकाची स्पर्धा राबवण्यात येणार आहे तरी स्पर्धेत सहभागी होण्यासाठी शेतकऱ्यांच्या स्वतःच्या नावावर जमीन असणे व ती तो स्वतः कसत असणे आवश्यक आहे, स्पर्धेत लाभार्थी शेतकऱ्यांच्या नावावर कमीत कमी 40 गुंठे क्षेत्र सलग लागवड असणे आवश्यक आहे व एका स्पर्धेसाठी प्रवेश शुल्क सर्वसाधारण गटासाठी रुपये 300/- आहे
*किती बक्षीस मिळणार*
तालुकास्तर पाच हजार, तीन हजार व दोन हजार प्रति पिक तीन बक्षिसे व प्रशस्तीपत्र.
जिल्हास्तर दहा हजार, सात हजार व पाच हजार प्रती पीक तीन बक्षीसे व प्रशस्तीपत्र
राज्यस्तर पन्नास हजार, च्याळीस हजार व तीस हजार प्रती पिक व प्रशस्तीपत्र अशी बक्षिसे अनुक्रमे एक, दोन व तीन क्रमांक येणाऱ्या शेतकऱ्यास आहेत.
*पिक स्पर्धेत सहभागी होण्यासाठी आवश्यक कागदपत्रे*
विहित नमुन्यातील अर्ज
ठरवून दिलेले शुल्क भरल्याचे चलन
7/12 व 8 अ उतारा
बँक पासबुक झेरॉक्स
आधार कार्ड झेरॉक्स
तरी पलूस तालुक्यातील गहू हरभरा उत्पादक जास्तीत जास्त शेतकऱ्यांनी पीक स्पर्धेत सहभाग घ्यावा.
अधिक माहितीसाठी गावातील कृषी सहाय्यक कृषी पर्यवेक्षक मंडळ कृषी अधिकारी व तालुका कृषी अधिकारी कार्यालयाशी संपर्क साधावा असे आवाहन कृषी अधिकारी श्री यमगर यांनी केले आहे.
