दर्पण न्यूज सांगली : महाराष्ट्र शासन सामाजिक न्याय व विशेष सहाय्य विभागांमार्फत सांगली जिल्ह्यामध्ये अनुसूचित व नवबौद्ध मुलां-मुलींच्या 200 क्षमता असणाऱ्‍या 06 शासकीय निवासी शाळा शासकीय इमारतीमध्ये कार्यरत असून इयत्ता 6 वी ते 10 वी सेमी इंग्रजी माध्यम या वर्गासाठी खालील निवासी शाळांमध्ये प्रवेश प्रक्रिया सुरु आहे. अशी माहिती समाज कल्याण सांगलीचे सहाय्यक आयुक्त मेघराज भाते यांनी केले आहे.
सांगली जिल्ह्यातील मुलां-मुलींच्या शासकीय निवासी शाळांमध्ये विद्यार्थी/विद्यार्थिनींना कोणतीही फी न घेता मोफत प्रवेश दिला जातो. निवासी शाळेत मुलां/मुलींना सुसज्ज शासकीय इमारतीत निवास, निवास साहित्य, भोजन, दैनंदिन वापराचे साहित्य, पाठ्यपुस्तके, वह्या, इतर शैक्षणिक साहित्य व गणवेश अशा प्रकारच्या सुविधा मोफत दिल्या जातात. विद्यार्थी/विद्यार्थिनींच्या सर्वांगीण विकासाकरिता सुसज्ज अद्यावत वर्ग खोल्या, ग्रंथालय, व्यायामशाळा, ई-लर्निंग, मनोरंजन कक्ष, ई-लायब्ररी इत्यादी सोयीसुविधेसह विविध उपक्रमांचे आयोजन करण्यात येते.
प्रवेशासाठी प्रवर्गनिहाय जागा आरक्षित व मर्यादित असून अनु.जाती व नवबौद्ध 80 टक्के, अनुसूचित जमाती 10 टक्के, विजाभज 5 टक्के, दिव्यांग 3 टक्के, एस.बी.सी. 2 टक्के याप्रमाणे शासकीय निवासी शाळेत प्रवेश निश्चित केला जातो. प्रवेशासाठी शाळांचे मुख्याध्यापक यांच्याशी संपर्क साधावा.
निवासी शाळेचे नाव, मुख्याध्यापकाचे नाव व त्यांचा संपर्क क्रमांक अनुक्रमे पुढीलप्रमाणे. मुलांची शासकीय निवासी, कवठेएकंद ता. तासगांव – पी. सी. भातलंवडे, 9284801040. मुलांची शासकीय निवासी, विटा ता. खानापूर – श्रीमती प्रितम भोसले, 7028010118. मुलांची शासकीय निवासी, कवठेमहांकाळ ता. कवठेमहांकाळ – धनाजी सरगर, 9325385571. मुलांची शासकीय निवासी, वांगी ता. कडेगांव – एस. एच. भेासले, 8698029878. मुलींची शासकीय निवासी, बांबवडे ता. पलूस – तानाजी करचे, 9766040998. मुलींची शासकीय निवासी, जत ता. जत – डी. डी. जाधव, 8275207276.
सन 2025-26 या शैक्षणिक वर्षाकरीता प्रवेश प्रक्रिया सुरु झाली असून प्रवेश अर्ज शासकीय निवासी शाळा व सहाय्यक आयुक्त, समाजकल्याण कार्यालय, सांगली येथे कार्यालयीन वेळेत उपलब्ध आहेत. इयत्ता 6 वी ते इ. 10 वी मधील जास्तीत जास्त विद्यार्थ्यांनी या शाळांमध्ये प्रवेश घ्यावा, असे आवाहन प्रसिध्दीपत्रकाव्दारे करण्यात आले आहे.
वर्षाकरीता प्रवेश प्रक्रिया सुरु झाली असून प्रवेश अर्ज शासकीय निवासी शाळा व सहाय्यक आयुक्त, समाजकल्याण कार्यालय, सांगली येथे कार्यालयीन वेळेत उपलब्ध आहेत. इयत्ता 6 वी ते इ. 10 वी मधील जास्तीत जास्त विद्यार्थ्यांनी या शाळांमध्ये प्रवेश घ्यावा, असे आवाहन प्रसिध्दीपत्रकाव्दारे करण्यात आले आहे.
शासकीय वसतिगृहांमध्ये प्रवेशासाठी
इच्छुक विद्यार्थ्यांना अर्ज करण्याचे आवाहन
सांगली : सामाजिक न्याय विभाग, सहायक आयुक्त समाज कल्याण सांगली या कार्यालयाच्या अधिनस्त 11 मुलांची व 10 मुलींची शासकीय वसतिगृहे प्रत्येक तालुक्यामध्ये कार्यरत आहेत. सन 2025-26 या शैक्षणिक वर्षाची वसतिगृहांची प्रवेश-प्रक्रिया https://hmas.mahait.org या ऑनलाईन पोर्टलवरती सुरु असून विद्यार्थ्यांचे अर्ज पोर्टलव्दारे स्विकारण्यात येत आहेत. सांगली जिल्ह्यातील मागासवर्गीय शासकीय वसतिगृहांमध्ये प्रवेशासाठी इच्छुक विद्यार्थी/विद्यार्थीनीनी ऑनलाईन पोर्टलवर अर्ज करावेत, असे आवाहन समाज कल्याण सांगलीचे सहाय्यक आयुक्त मेघराज भाते यांनी प्रसिध्दीपत्रकाव्दारे केले आहे.
शासकीय वसतिगृहामध्ये विद्यार्थी/विद्यार्थिनींना मोफत प्रवेश दिला जातो. मुलां/मुलींना सुसज्ज शासकीय इमारतीमध्ये निवास, निवास साहित्य, भोजन इत्यादी सुविधा मोफत दिल्या जात असून विद्यार्थी/विद्यार्थिनींच्या सर्वांगीण विकासाकरीता सुसज्ज अद्ययावत ग्रंथालय, व्यायामशाळा, मनोरंजन कक्ष, ई-लायब्ररी इत्यादी सोयी-सुविधेसह विविध उपक्रमांचे आयोजन करण्यात येत असल्याच प्रसिध्दी पत्रकात म्हटले आहे.
