भिलवडी चितळे डेअरीला म्हसवड मानदेशी महिला फौंडेशनची भेट

दर्पण न्यूज भिलवडी :- 

भिलवडी चितळे डेअरीला म्हसवड मानदेशी उद्दोगिणी ग्रामीण महिलांच्या साठी फिरते व्यवसाय प्रशिक्षण केंद्र मानदेशी फौंडेशनने भेट देऊन चितळे डेअरीच्या उदय ‘ किरण भास्कर ‘ या प्रशिक्षणाची माहिती घेतली .मानदेशी फौंडेशनच्या सुमारे वीर महिलांनी चितळे डेअरीला भेट देऊन प्रशिक्षणाची माहिती घेतली . यामध्ये दुग्ध व्यवसाय कसा करावा दुग्ध व्यवसाय वाढीसाठी जनावरांचे संगोपन कसे करावे . चारा ‘ पाणी ‘ स्वच्छता याचे नियोजन कसे करावे हि सर्व माहिती देण्यात आली ‘ मुक्त गोठा संगोपन कसे करावे यासाठी संगणकीय प्रणालीच्या माध्यमातून चित्रफीत दाखविण्यात आली . मानदेशी फौंडेशनच्या महिलांनी चित्रफीत पाहुण मुक्त गोठा प्रणाली ही शेतकरी हिताची व कमी कष्टात दुग्ध व्यवसाय करीता येतो . याची जाणीव झाली . या सर्व प्रशिकणाची माहिती इतर महिलांच्या पर्यंत पोहचवुन दुग्ध व्यवसाय कसा फायदेशीर आहे . याचे महत्व पटवुन देण्याची ग्वाही मानदेशी फौंडेशनच्या फिल्ड ऑफीसर सौ. शुभांगी साबळे यांनी दिली ‘ त्या पुढे म्हणाल्या चितळे डेअरीने उदय ‘ किरण ‘ भास्कर ‘ या प्रशिक्षणाच्या माध्यमातुन दुग्ध व्यवसाय कसा करावा त्याचे फायदे काय आणि मुक्त गोठा संगोपन कसे करावे याची माहिती आम्हास दिली . आमची संस्था हि सर्व माहिती शेतकरी महिलांच्या पर्यंत पोहचऊन दुग्ध व्यवसाय करावा यासाठी प्रोत्सान करेल . प्रारंभी चितळे डेअरीचे पशु वैद्यकीय अधिकारी डॉ इंगळे व सी . व्ही . कुलकर्णी यांनी चितळे डेअरीच्या विविध प्रक्षिणांची माहिती देऊन स्वागत व प्रास्ताविक केले . मानदेशी फौंडेशनच्या सर्व महिलांना चितळे डेअरीच्या पशु संर्वधन विभाग मार्फत माहिती पुस्तीका देऊन कार्यक्रमाची सांगता करण्यात आली.