महाराष्ट्रसांगली

राजकीय पक्षांनी आचारसंहितेचे काटेकोरपणाने पालन करावे : जिल्हाधिकारी अभिजित चौधरी

सांगली,दि २४ : पुणे विभागाच्या पदवीधर आणि शिक्षक मतदारसंघाच्या निवडणुकीसाठी काही दिवसांचा कालावधी शिल्लक असून सर्वच राजकीय पक्षाच्या तसेच अपक्ष उमेदवारांनी केंद्रीय निवडणूक आयोगाने नेमून दिलेल्या आचारसंहितेचे काटेकोरपणाने पालन करावे, असे आवाहन जिल्हाधिकारी डॉ . अभिजित चौधरी यांनी केले.

जिल्हाधिकारी कार्यालयाच्या सभागृहात पदवीधर निवडणुकीच्या अनुषंगाने आज प्रमुख राजकीय पक्षांच्या पदाधिकाऱ्यांची बैठक आयोजित करण्यात आली होती यावेळी मार्गदर्शन करताना ते बोलत होते. जिल्हाधिकारी पुढे म्हणाले, जिल्ह्यातील प्रत्येक बुथवर १०० टक्के वेब कास्टिंग करण्यात येणार आहे. या निवडणुकीबाबत जिल्ह्यातील मतदात्याला, उमेदवारांना, प्रतिनिधींना शंका असल्यास त्यांनी १९५० या टोल फ्री क्रमांकावर संपर्क साधावा.कोविड-19 च्या पार्श्वभूमीवर संबंधित उमेदवारांच्या प्रचारसभेत सोशल डिस्टंन्सिंगचे पालन व्हावे, ते पालन न झाल्यास संबंधितावर कडक कारवाई करण्याचा इशारा जिल्हाधिकाऱ्यांनी यावेळी दिला.
या बैठकीसाठी अप्पर जिल्हाधिकारी गोपीचंद कदम, उपजिल्हा निवडणूक निर्णय अधिकारी मारूतीराव बोरकर, उपजिल्हाधिकारी विवेक आगवणे, उपजिल्हाधिकारी अरविंद लाटकर यांच्यासह विविध पक्षाचे पदाधिकारी, अपक्ष उमेदवार उपस्थित होते.

Share

Related Articles

Leave a Reply

Your email address will not be published. Required fields are marked *

Back to top button
या वेब साईट वरील फोटो,बातमी,लेख कॉपी करू नये
Close
Close