महाराष्ट्रसिनेमा

मल्टिप्लेक्स सिनेमा संदर्भातील अडीअडचणी सोडविण्याबाबत निश्चित प्रयत्न करु : जयंत पाटील

  मुंबई, दि. 11 : मल्टिप्लेक्स सिनेमा संदर्भातील अडीअडचणी सोडविण्याबाबत निश्चित प्रयत्न करु, असे जलसंपदा मंत्री जयंत पाटील यांनी सांगितले.

            मल्टिप्लेक्स सिनेमासंदर्भातील विविध अडीअडचणी सोडविण्याबाबत UFO, Cinepolis व इतर कंपन्यांच्या शिष्टमंडळाने मंत्रालय येथे श्री.पाटील यांना निवेदन दिले.

                        मल्टिप्लेक्स सुरु करताना येत असलेल्या अडचणी, खाद्य पदार्थ थिएटरमध्ये घेऊन जाण्याची परवानगी तसेच कर परती व इतर अनुषंगिक बाबीबाबत मदत करावी अशा या शिष्टमंडळाच्या मागण्या आहेत.

            मुख्यमंत्री उद्धव ठाकरे, गृहमंत्री अनिल देशमुख, सांस्कृतिक कार्यमंत्री अमित देशमुख यांच्यासमवेत चर्चा करुन लवकरच प्रश्न मार्गी लावण्याचा प्रयत्न केला जाईल, असे श्री. पाटील यांनी शिष्टमंडळाला सांगितले.

            अभिनेते सुदीप पांडे, Cinepolis चे मुख्य कार्यकारी अधिकारी देवांग संपथ, महाराष्ट्र चेंबर ऑफ कॉमर्सचे उपाध्यक्ष रविन्द्र मानगावे, UFO चे सचिव प्रकाश चाफळकर, पदाधिकारी,अरविंद चाफळकर, शिरीष देशपांडे, विष्णू पटेल आदींचा या शिष्टमंडळात समावेश होता.

Share

Related Articles

Leave a Reply

Your email address will not be published. Required fields are marked *

Back to top button
या वेब साईट वरील फोटो,बातमी,लेख कॉपी करू नये
Close
Close