महाराष्ट्रसांगली

सांगली जिल्ह्याचे पालकमंत्री ना. जयंत पाटील यांनी नदीकाठी जाऊन नागरिकांना दिला धीर

सांगली : पावसाचा जोर वाढत असल्याने पश्चिम महाराष्ट्रात पुन्हा पुराचे संकट घोंगावत आहे. याच पार्श्वभूमीवर जनतेच्या समस्या जाणून घेण्यासाठी सांगली जिल्ह्याचे पालकमंत्री ना. जयंत पाटील स्वतः नदीकाठच्या गावात पोहोचले व त्यांनी नागरिकांना धीर दिला.

संभाव्य पुराचा धोका लक्षात घेता सांगली जिल्ह्यातील नदीकाठच्या गावांना बोटी दिल्या जात आहे. वाळवा तालुक्यातील वाळवा व शिरगाव या गावांना आज पालकमंत्री जयंत पाटील यांच्या हस्ते बोटी प्रदान करण्यात आल्या. यावेळी मंत्री जयंत पाटील यांनी नदीकाठच्या गावांना भेट दिली व संभाव्य पूर परिस्थितीबाबत नागरिकांना स्वतः माहिती दिली.

कोरोना असो वा महापूर, जयंत पाटील नेहमीच सांगलीकरांच्या मदतीला धावून आले आहेत. मागील वर्षी याच महिन्यात पश्चिम महाराष्ट्रात महाप्रलयंकारी पूर आला होता. त्यावेळीही जयंत पाटील यांनी झोकून देऊन बचावकार्य व मदतकार्य केले होते. अन्न वाटप व इतर अत्यावश्यक गोष्टींचे वाटप करून सांगलीकरांचे एकाप्रकारे अश्रू पुसले होते. जिल्ह्यात कोरोनाचा शिरकाव झाला त्यावेळीही जयंत पाटील यांनी तात्काळ हालचाली केल्या. इतकेच नाही जिथे कोरोनाचे रुग्ण आढळले त्या हॉटस्पॉट परिसरातही ते ग्राऊंड झिरोवर होते. आज संभाव्य पूर परिस्थितीच्या निमित्ताने पुन्हा एकदा जयंत पाटील लोकांच्या खांद्याला खांदा लावून उभे ठाकले आहेत.

Share

Related Articles

Leave a Reply

Your email address will not be published. Required fields are marked *

Back to top button
या वेब साईट वरील फोटो,बातमी,लेख कॉपी करू नये
Close
Close